ILOILO CITY – Pasakaan sang kaso sa Ombudsman ni anay Iloilo Provincial Administrator Manuel Mejorada si Iloilo City Mayor Jose Espinosa III.
Sa interview sang Bombo Radyo, ginpahayag ni Mejorada nga mga kaso nga grave misconduct, gross neglect of duty kag conduct prejudicial to the best interest of the service.
May kaangtanan ini sa pagpahanugot sang alkalde nga pahamtangan sang peryahan kag mga kiosko ang halos katunga sang dalan sa palibot sang Jaro plaza.
Suno kay Mejorada, ginbalewala ni Espinosa ang kaayuhan sang mga tawo bangud sa pagpabungol-bungol sini nga pangkakason ang mga kiosko kag peryahan nga naga-obstruct sa dalan.
Nahibaluan nga nagtuga sang perwisyo sa mga pumuluyo ilabi na sa mga commuters, ang obstruction sa dalanon.
Indi man maathag suno kay Mejorada ang kaundan sang Executive Order ni Mayor Espinosa para isara ng halos isang buwan ang national road.
Natak-an na siya suno kay Mejorada sa indi maayo nga pagpalakat sa siyudad kag nagalaum nga ipakita sang alkalde ang igakasangkol sini.