ILOILO CITY – Linibo nga mga local kag foreign tourists ang magasaksi sa world class performance sang 10 ka mga tribu nga magapasundayag sa Ati-Ati tribe competition sang Dinagyang Festival 2018.
Ini ang ginalakipan sang defending champion nga Tribu Salognon sang Jaro National High School, Tribu Ilonganon sang Jalandoni National High School, Tribu Pan-ay sang Fort San Pedro National High School, Tribu Obrero sang Bo. Obrero National High School, Tribu Paghidaet sang Lapaz National High School, Tribu Dagatnon sang Ramon Avanceña National High School, Tribu Panayanon sang Iloilo City National High School, Tribu Tapaznon sang Tapaz National High School, kag Tribu Amihan sang Mandurriao National High School.
Ginabantayan man ang Tribu Buntatalanit sang Barangay Lanit kag Buntatala, Jaro sa diin magapasundayag ang mga katapo sang ila Ati community.
Ang aktibidad ang nag-umpisa pinaagi sa misa sa San Jose de Placer Parish Church sa pagpanguna ni Rev. Reymund Edcel Alcayaga.
Tema subong sang Dinagyang Festival 2018 amo ang “DInagyang @50: Timeless Tradition, Culture and Devotion”.