NBI ginpatpat kun paano nadakpan sa Iloilo ang consignee sa P6.4-B shabu shipment

ILOILO CITY – Ginpatpat sang National Bureau of Investigation (NBI) kun paano nadakpan sa banwa sang Janiuay, Iloilo ang consignee sa P6.4 billion shabu shipment nga nga si Eirene Mae Tatad.
Ini matapos ginkakibot sang mga otoridad sa probinsiya sang Iloilo nga diri nagapanago si Tatad.
Sa interview sang Bombo Radyo Iloilo, ginpahayag ni NBI-6 director Atty. Max Salvador nga “pre-arrange” ang pagdakop kay Tatad.
Natultulan si Tatad nga amo ang nagapanag-iya sang EMT Trading, matapos nagpadala sang emisaryo ang pamilya sini sa NBI sa kagustuhan sini nga mag-surrender na.
Ginkumpirma man sang NBI nga tumandok sang Iloilo si Tatad, partikular sa banwa sang Janiuay.