ILOILO CITY – Ginpaandaman sang Police Regional Office 6 (PRO-6) ang mga pulis sa Western Visayas nga wala naga-uniform, nagatulog kag naga-inom sa ti-on sang ila duty.
Sa interview sang Bombo Radyo Iloilo, ginpahayag ni PRO-6 spokesman Supt. Gilbert Gorero nga indi pagtolerahon sang PRO-6 ang nasambit nga mga pulis.
Karon nga gindoble na ang suweldo sang mga pulis, dapat man suno kay Gorero nga doble ang balik nga serbisyo sang mga pulis sa pumuluyo.
Kabahin ini suno kay Gorero sang internal cleansing sa hanay sang kapulisan kun sa diin ginasentruhan man ang pagdisiplina sa mga pulis.