ILOILO CITY – Stranded karon ang halos 200 ka mga pasahero sa mga puerto sa Iloilo, matapos nga ginpauntat sang Philippine Coast Guard ang mga sakayan dagat padulong sa Bacolod.
Ini matapos nga napaidalom sa storm signal no. 1 ang Iloilo bangud sang bagyo Basyang.
Sa interview sang Bombo Radyo Iloilo, ginpahayag ni Lt. Commander Rodolfo dela Peña, pinuno ng Philippine Coast Guard Iloilo, 180 ka mga pasahero ang stranded karon sa puerto sa Dumangas matapos nga ginkansela ang biyahe sang mga Ro-Ro nga padulong sa Bacolod.
Ginpauntat man ang biyahe sang mga fast craft gikan sa Iloilo City padulong sa Bacolod kag vice versa.
Samtang ginlimitahan naman ang karga sang mga sakayan dagat gikan sa Iloilo padulong sa Guimaras kag vice versa.