ILOILO CITY – Nagpanguna ang Iloilo sa medal standing sa una nga adlaw sang Western Visayas Regional Athletic Association (WVRAA) Meet 2018 nga ginapatigayon sa siyudad sang Iloilo.
Isa ka bulawan nga medalya ang nakuha sang Iloilo sa elementary level kag isa man sa secondary level; samtang may isa man ini ka silver medal.
May tag-isa naman ka medalya ang probinsiya sang Guimaras kag Negros.
Nagdaog sa High Jump elementary boys si EJ Secorta sang probinsiya sang Guimaras samtang nagdaog man sa Shot Put elementary boys si Airex Gabriel Villanueva sang Negros Occidental.
May isa naman ka silver medal kag isa ka bronze medal ang Guimaras samtang ang Negros Occidental ang may yara sa isa ka silver kag duha ka bronze medals.
Isa ka silver medal naman ang nakuha sang Capiz samtang isa ka bronze medal naman ang nakuha sang probinsiya sang Aklan.