ILOILO CITY – Magabulig ang miyembro sang sikat nga American acoustic band nga Stephen Speaks, sa rehabilitasyon sang coral reefs sa Visayan Sea.
Suno sa singer-songwriter nga si Rockwell Ryan Ripperger, naintyindihan sini nga madamo nga coral reefs sang Visayan Sea ang naguba matapos naglaslas ang bagyo Yolanda.
Matapos mag-snorkeling sa Agho Island sa banwa sang Concepcion sang nagligad nga semana, ginpahayag ni Ripperger nga iya nakit-an nga madamo nga corals ang napatay apang may pila pa nga nabuhi, gani posible pa nga mabalik ang coral reefs.
Plano sang singer nga maglunsyar sang fundraising para sa pagtukod sang coral reef nursery sa banwa sang Concepcion.
Suportado naman ni Governor Arthur Defensor Sr. ang amo nga lihok.