ILOILO CITY – Padayon nga nagapanguna ang host nga Iloilo sa Western Visayas Regional Athletic Association (WVRAA) Meet 2018.
Sa pagtapos sang ika-duha nga adlaw sang kompetisyon, kabug-usan nga 17 ka bulawan nga medalya ang nakuha sang Iloilo.
Sa elementary level, may 5 golds, 8 silvers kag 7 bronze medals ang Iloilo.
Nagapangaduha ang Negros Occidental nga may 7 golds, 5 silvers kag 4 bronze medals.
May 3 golds, 3 silvers kag 4 bronze medals ang Capiz.
Duha ka golds, isa ka silver kag duha ka bronze medal ang nakuha sang probinsiya sang Guimaras.
Isa ka gold medal, isa ka silver kag isa ka bronze medal ang nakuha sang Aklan.
Wala pa sang may nakuha nga medalya sa elementary level ang Antique.
Sa secondary level, 12 golds, 7 silver kag 4 gold medals ang ginauyatan karon sang Iloilo.
Pito ka bulawan, 9 silver kag 13 bronze medals naman ang nakuha sang Negros Occidental.
Ang probinsiya sang Aklan nakakuha sang 6 golds, 4 silvers kag 10 bronze medals.
Duha ka gold, 4 silver kag 5 gold medals naman ang ginauyatan sang Capiz samtang ang Guimaras may isa ka gold, 3 silvers kag 5 bronze medals.
Isa ka silver kag isa ka bronze medal naman ang ginauyatan sang prbinsiya sang Antique sa secondary level.