Pag-import sang bugas sa Papua new Guinea, solusyon sa pagdamo sang populasyon – DA

ILOILO CITY – Ginpaathag sang Department of Agriculture (DA) Secretary Emmanuel Piñol ang ginaduso nga partnership sa Papua New Guinea para sa nagakaigo nga supply sang bugas.
Kadungan sang pagpadulong sa Iloilo, ginpahayag ni Piñol nga sa baylo mag-import sang bugas sa Vietnam, South Korea, Thailand ukon Myanmar, mas maayo kun sa Papua New Guinea na lang magkuha.
Sa Papua New Guinea suno kay Piñol, ang mga Pinoy mismo ang matanom sang humay.
Sa idalom ini sang programa kun sa diin gin-imbitar sang Papua New Guinea ang Pilipinas nga didto magtanom sang humay ang Pinoy farmers.
Paathag sang tiglikom, malapad ang kadutaan sa Papua New Guinea samtang gamay lang ang populasyon.
Indi kaangay sang Pilipinas suno sa opisyal nga madasig ang pagtaas sang populasyon kag kulangon ang produksyon sang pungsod.
Gin-athag naman sang tiglikom nga long term project ang partnership sa Papua New Guinea kag matapos lang ang iya termino, indi pa masuguran ang pag-import sang bugas gikan sa amo nga pungsod.