ILOILO CITY – Ginhingyo ni Iloilo City Rep. Jerry Treñas sa Sandiganbayan nga ibasura ang kaso nga graft nga iya ginapangatubang, may kaangtanan sa P500,000 nga ginhatag sa Iloilo Press Club, gikan sa pork barrel ni Sen. Loren Legarda.
Sa iya 12 ka pahina nga motion to dismiss nga ginsumite sa Seventh Division sang Sandiganyanbayan, ginpahanindugan ni Treñas nga wala siya sang salabton sa ginapahayag nga paglapas sa Anti-Graft and Corrupt Practices Act.
Suno pa sa kampo sang mamalidha, indi mahimo gamiton nga ebidensiya ang memorandum of agreement nga iya ginpirmahan nga nag-release sang pondo nga wala sang nagakaigo nga proseso.
Dugang pa sang mamalidha, tuman man kahinay ang pag-aksyon sang Ombudsman sa iya kaso.