ILOILO CITY – Ginkumpirma sang pamilya Demafelis ang pamahog sa ila kabuhi.
Sa interview sang Bombo Radyo, ginpahayag ni Barangay Kagawad Pablo Demafelis nga nakabaton sang mensahe ang iya hinablos nga si Jojit Demafelis nga utod ni Joanna Daniela Demafelis, ang Ilongga OFW nga ginpatay sang iya mga amo sa Kuwait.
Suno sa barangay kagawad, santu sa text message, ginapahalong ang pamilya bangud may masunod kay Joanna.
Suno pa kay Demafelis, may lima man ka tawo nga indi nila kilala kag makaduluda ang mga hulag, nga nagpadulong sa puluy-an sang mga Demafelis.
Isa sa mga ini ang nagkaon pa sa puluy-an sang mga Demafelis kag nagpangusisa angot sa seguridad.
Ginpabugal man sini nga 20 na siya ka tuig sa security service apang sang ginpisa-pisa pamangkot sang mga pulis, lain na ang ginapangwakal sini.
May nagapadulong man sa ila nga babaye nga indi nila kilala suno kay Barangay Kagawad Demafelis kag nagapangusisa angot sa kwarta.