ILOILO CITY – Target sang militar nga mabuhinan sang katunga ang puwersa sang New People’s Army (NPA) sa Western Visayas subong nga tuig.
Ginpahayag sa Bombo Radyo Iloilo ni Brigadier General Pio Diñoso, commander sang 301st Brigade sang Philippine Army, mangin agresibo ang militar batok sa NPA.
Apisar indi lubos maubos ang mga rebelde, ipabatyag sang militar ang pressure agud hatagan sang mensahe ang mga rebelde nga wala na sang kasayuran ang ginapakigbato sang mga ini.
Sa pihak sang pangako ni Presidente Rodrigo Duterte nga P25,000 sa ka ulo sang NPA nga mapatay, ginpahayag ni Diñoso nga ila anay hatagan sang tiyansa ang mga rebelde nga mag-surrender.
Apang kun magpakatig-a ang mga ini nga magpanaog sa bukid, hulaton na lang nila ang kamatayon nga magsugat sa ila.