ILOILO CITY – Magaserbe nga giya sang Consultative Committee (Con-Com) sa pagdihon sang draft sang bag-o nga Konstitusyon ang nadesisyunan nga presidential -federal form of government para sa Pilipinas.
Sa interview sang Bombo Radyo Iloilo, San Beda Graduate Law of School dean Fr. Ranhilio Aquino, nga isa man sa mga miyembro sang Con-Com, suguran na sang mga sub-comittees ang pagbalay sa tagsa ka artikulo sang himuon nga draft sang Konstitusyon kag ini ang iga-base sa presidential federal nga porma sang gobyerno.
Suno kay Aquino, pamilyar na sa ini nga sistema ang mga Pilipino bangud ang magadugang lang diri amo ang federalization.
Mabuhinan lang ang poder sang presidente bangud i-delegate lang ang iya mga obligasyon, sa federal states.
Sa Hunyo iprisintar sang Consultative Committee ang draft sang bag-o nga Konstitusyon kay Presidente Rodrigo Duterte nga dal-on naman sang presidnte sa iya State of the Nation Address sa Hulyo.
Nagapati naman ang Con-Com nga batunon sang Kongreso ang ila rekomendasyon, bangud ini man ang mangin rekomendasyon ni Presidente Rodrigo Duterte.
Nahibaluan nga kagab-i nabotohan sang Con-Com nga presidential-federal ang makapaayo sa pungspd.