ILOILO CITY – Akig ang pamilya ni Joanna Daniela Demafelis, ang Ilongga OFW nga ginpatay sang iya mga amo sa Kuwait, sa pagtuhaw sang ginapahayag recruiter sini nga si Agnes Tuballes.
Ginpanindugan sang utod ni Joanna nga si Jojit Demafelis nga may salabton si Tuballes sa natabo sa iya manghod.
Sa interview sang Bombo Radyo Iloilo, ginpahayag ni Mr. Demafelis nga sa pihak sang pagpanginwala ni Tuballes, ini gihapon ang recruiter ni Joanna.
Gintawag ni Mr. Demafelis nga butigon si Tuballes kag nagapanago sa ila.
Indi man matuod suno kay Jojit nga wala nila ginpahibalo kay Tuballes nga nadula si Joanna.
Sa pagkamatuod suno kay Demafelis, ang isa nila ka himata nga na-recruit ni Tuballes ang naghatag diri sang address ni Joanna agud ma-report ang pagkadula sang Ilongga OGW.
Si Tuballes ang paka-tatlo na ni Joanna kag kaingod barangay man sini sa Sara, Iloilo apang sang nag-abot ang bangkay sang Pinay worker, nadula si Tuballes sa ila lugar.