ILOILO CITY – Overwhelmed ang labing una nga transgender nga nakasulod sa The Voice USA, sa ginabaton karon nga pagkilala sa bug-os nga kalibutan.
Nangin talk of the universe si Angel Bonilla nga tumandok sang Cabuyao, Laguna apang karon nagapuyo na sa Los Angeles, California matapos maghimo ini sang maragtas bilang pinakauna nga transgender nga nakasulod sa kompetisyon.
Sa exclusive interview sang Bombo Radyo Iloilo, ginpahayag ni Bonilla nga nagbukas ini sang madamo nga oportunidad para sa iya.
Wala ginalauman ni Bonilla nga mangin headline ini sa bug-os nga kalibutan.
Ang kadalag-an niya sa The Voice ang isa sa mga ginalantaw nga paagi ni Bonilla agud makabulig ilabi na nga isa siya ka advocate sang mga kinamatarong sang LGBTQ community.
Katumanan sang iya wish suno kay Bonilla nga nakasulod sa The Voice bangud antes ang kompetisyon, nag-novena pa siya kag handum gid ang mangin professional singer.
Antes ang the Voice, nakapasakop man si Bonilla sa una nga season sang X Factor US kag singing competition sa Europe.