ILOILO CITY – Ginalauman na ni anay provincial administrator Manuel Mejorada ang pagbasura sang Sandiganbayan sang mga kaso nga graft nga iya ginpasaka batok kay anay TESDA Director General kag Iloilo Second District Rep. Augusto “Buboy” Syjuco kag mga opisyales sang banwa sang Alimodian
Sa interview sang Bombo Radyo, ginpahayag ni Mejorada nga iya na ginapaabot nga ma-dismiss ang kaso bangud sang teknikalidad.
Dismayado kag huyhoy ang abaga sang complainant.
Apang siya mismo suno kay Mejorada nagapati nga mahinay ang pag-akto sang Ombudsman sa kaso.
Mangamuyo na lang siya suno kay Mejorada nga sa pihak nga kinabuhi, manabat gihapon ang anay mamalidha sa nahimo nga sala.
Ang kaso may kaangtanan sa fertilizer fund scam sadtong 2004.
Apang 2011 na napasaka sang Ombudsman sa Sandiganbayan ang kaso.
Lakip man sa gin-absuwelto sang Ombudsman sanday Alimodian Mayor Geefre Alonsabe nga konsehal pa lang sadto sang ginpasakaan sang kaso, anay Vice Mayor Ramon Anino, mga anay konsehal nga sanday Emmanual Adricula, Aquiles Cabaluna, Miguel Ambong kag Job Almacen.