Iloilo ginapreparahan ang pagdugok sang turista bangud sa pagpasirado sang Boracay

ILOILO CITY – Plano ni Iloilo Gov. Arthur Defensor Sr. nga magtukod sang Northern Iloilo Tourism Authority.
Suno kay Defensor, mangin dako ini nga bulig agud preparahan ang pagdugok sang mga turista sa Northern Iloilo kasunod sang mando ni Presidente Rodrigo Duterte nga temporaryo nga siraduhon ang Boracay.
Ginpahayag sang gobernador nga maga-host ini sang pagsinapol kaupod ang League of Municipalities partikular sa Norte nga bahin sang Iloilo, agud maistoryahan ang gina-propose nga tikang.
Lakip sa mga tourist destinations nga ginalauman dugukan sang mga turista bangud sa pagpasirado sang Boracay amo ang Gigantes kag Sicugon Island.