ILOILO CITY – Mapaiway sa pag-opisina si Jaro ABC President Leo Lindero subong nga aga agud maghatag ligwa kay Mayor Jose Espinosa III nga maga-opisina bilog nga aga sa Jaro Association of Barangay Captains (ABC) office.
Sa exclusive interview sang Bombo Radyo kay Lindero, iya ginpahayag nga kahapon lang ini sang aga ginpahibalo sang staff sang alkalde tuhoy sa plano ni Espinosa apang nakahanda man ini nga magpaiway para sa alkalde.
Suno kay Lindero, ang desisyon sang alkalde ang santu sa obserbasyon sini nga wala na halos sang punong barangay sa distrito sang Jaro nga nagapalapit sa iya talatapan kag agud dal-on man sa mga taga-Jaro ang talatapan sang siyudad sang Iloilo.
Una na ginpahayag ni Espinosa sa iya programa diri sa Bombo Radyo tuhoy sa iya plano nga regular nga paghiwat sang opisina alas-8:00 sang aga tubtob alas-12:00 sang udto kada Martes sa Jaro ABC Office.