ILOILO CITY – Mahatagan sang kahigayunan ang iban nga mga lugar sa siyudad kag probinsya sang iloilo kasunod sang pagpasirado sang Boracay.
Suno kay Provincial Administrator Dr. Raul Banias, ginakabig nila nga daku ini nga oportunidad para sa Iloilo ilabi na sa kalapit sang Boracay nga mga white sand beaches sa Fifth District kag iban pa nga tourist destination sa siyudad.
Dugang pa ni Banias, apisar ginabanta 3,500 lang ang sarang ma-akomodar sang Iloilo, apang daku naman ang mabulig sang tourist arrivals sa pagtin-ad sang ekonomiya sang mga banwa.
Sa karon, plano sang provincial government nga maghiwat sang Tourism Summit sa diin ipatawag ang mga resort owners, tour operators kag tourism service providers agud preparahan ang ginapanan-aw pagdagsa sang mga turista sa probinsya sang Iloilo kag agud istoryahan ang pagpahamtang sang Northern Iloilo Tourism Authoity.