Asawa nadakpan sang iya bana nga nagapakighilawas sa iya other man sa sulod sang peryahan

ILOILO CITY – Nagapangatubang sang kaso nga adultery ang asawa kag ang other man matapos madakpan sang iya bana nga nagapakighilawas sa sulod sang peryahan sa Barangay Desamparados, Jaro, Iloilo City.
Ginpahayag sa Bombo Radyo Iloilo ni SPO1 Lester Oliveros sang Jaro Police Station nga nakuhaan pa sang bana nga si Herman, sang laragway ang iya asawa nga si Dolores, 39 anyos, kag ang lalaki sini nga si Dennis, 28 anyos, samtang magkaupod ang duha.
Suno kay SPO1 Oliveros, sang maabtan sang bana nga nagapakighilawas ang duha sa sulod sang peryahan, naurungan ini apang ginpunggan ang kaugalingon.
Nahibaluan nga napalibutan sang dingding nga trapal ang peryahan rason nga wala sang may nakakita sa mga biktima.