ILOILO CITY – Nagkontrahanay ang pahayag sang Police Regional Office (PRO) 6 kag sang Iloilo City Police Office (ICPO) tuhoy sa paghulag sang drug money sa ginpatigayon nga barangay kag SK election.
Sa interview sang Bombo Radyo kay PRO-6 director C/Supt. Cesar Hawthorne Binag, nagapati ini nga wala nakahulag ang drug money sa ti-on sang eleksiyon.
Hugot nga ginbantayan sang mga pulis suno kay Binag ang mga ginakabig nga narco-politicians sa siyudad sang Iloilo.
Apisar sang pagdaug sang mga ginakabig narco-politicians, nagpaandam si Binag nga indi dapat magkumpiyansa ang nasambit nga mga opisyal tungod lagson gihapon ang mga ini sang mga otoridad.
Suno naman kay ICPO director S/Supt. Henry Farnaso Biñas, nagdaug ang mga ginakabig nga narco-politicians tungod sang posible paghulag sang kwarta sang mga nagpadalagan sa posisyon gamit ang iligal nga druga.
Indi man malipod suno kay Biñas nga may pila sa ila nga sarang maka-pamuwersa tungod sang utang nga kabalaslan sang mga pumuluyo ukon sang robinhood mentality.
Masubo lang suno kay Biñas nga nagdalaug pa ang nasambit nga mga opisyal.