ILOILO CITY – Ginpanginwala ni Iloilo Governor Arthur Defensor Sr. nga may pribado sila nga meeting ni Presidente rodrigo Duterte kadungan sang pagpadulong sang presidente sa Iloilo.
Sa interview sang Bombo Radyo, ginpahayag sang gobernador nga masako ang presidente sa mga aktibidad gani wala sila sang tiyempo nga magpatigayon sang meeting.
Posible suno sa gobernador nga may problema ang mga opisyal sang Iloilo nga may private meeting sa presidente.
Wala naman malingkang ang gobernador sa pagpakigsapol sang mga opisyal sa probinsiya sang Iloilo sa idalom sang Nacionalista Party, kay Duterte.
Ginpahayag sang gobernador nga may kaugalingon nga partido ang PDP-Laban sa 2019 elections.
Ini ang ginpaathag sa iya suno sa gobernador, nanday House Speaker Pantaleon Alvarez kag Sen. Koko Pimentel nga mga lideres sang partido.
Nahibaluan nga ang iya bata nga si Third District Rep. Arthur “Toto” Defensor Jr. ang ginaduso sang gobernador nga magpadalagan para sa PDP-Laban samtang ginkumpirma naman ni 4th District Rep. Ferjenil Biron ang pagkandidato sa pagka-gobernador sa 2019 election.
Si Biron ang kabahin sang Nacionalista Party.