ILOILO CITY – Wala nagakooperar ang ginpatay nga si Punong Barangay Remia Prevendido Gregori sang Bakhaw, Mandurriao, Iloilo City ilabi na sa tion nga may anti-drugs operation ang kapulisan sa iya barangay.
Suno kay Chief Insp. Juvy Navales, hepe sang Mandurriao Police Station, nagasumite man sang Barangay Anti-Drugs Abuse Council (BADAC) report si Gregori apang wala ginalista ang katapo sang iya pamilya.
Pananglitan may mga madakpan man ang operatiba sa iya barangay, nagapamalibad ang punong barangay nga mag-witness ukon magpirma sa inventory.
Suno kay Navales, ini ang rason kun nga-a nagapanglaghap na lang sila sang iban nga mga barangay officials kun may operation ang kapulisan tungod wala nagakooperar sa ila ang napatay nga si Gregori.