ILOILO CITY – Indi na magpahilabot si Mayor Jose Espinosa III sa mga elected barangay officials nga naulamid sa illegal drugs.
Sa interview sang Bombo Radyo kay Espinosa, iya ginpanindugan nga iya na lang itugyan sa otoridad ang pamat-ud kun ano ang matabo sa mga narco-politician.
Suno sa alkalde, mismo si Presidente Rodrigo Duterte ang naghingyo sa iya nga indi pag-apinan ukon pagtabunan ang mga SK kag barangay official nga nagaduso kag naga-gamit sang illegal drugs.
Ginpanugyan sang alkalde sa tanan nga public official nga magpangita sang legal nga palangabuhi-an sa baylo nga magbaligya sang iligal nga druga nga wala sang may madulot nga maayo
Samtang, wala naman sang special treatment suno kay Espinosa si Punong Barangay Keith “Dabing” Espinosa nga tiayon sang iya hinablos nga si Barangay Kagawad Jing-Jing Espinosa.
Suno sa alkalde, kun matuod nga naangot sa illegal drugs ang iya hinablos, indi na siya magpahilabot diri.
Dugang pa sang alkalde, wala sang special treatment nga matabo bangud nga paglapas sa layi ang paggamit ukon ang pagbaligya sang druga.