ILOILO CITY – Ginpanginwala sang Arevalo Police Station nga nangin malubha ang kahimtangan sang suspek sa pag-ambush kay PO1 Dorben Acap Jr. nga si PO2 Melvin Mocorro.
Suno kay Arevalo chief of police Senior Insp. Mary Grace Borio, base sa report sang iya detailed personnel sa ospital sa diin na-admit si Mocorro, makapulupungko na ini kag estable ang kondisyon.
Kadungan sini, ginkumpirma man ni Borio nga nakapiyansa na si PO2 Moccoro sa kaso sini nga frustrated murder.
Suno kay Borio, nagbayad sang P140,000 si Mocorro paagi sa surety bond.