ILOILO CITY – Nagapati si League of Municipalities of the Philippines (LMP) Iloilo Chapter president kag Ajuy, Iloilo Mayor Jett Rojas nga nadula na sa narco list ang tatlo ka mga alkalde sa probinsya sang Iloilo nga una na gintumod ni Presidente Duterte nga mga narco politicians.
Sa interview sang Bombo Radyo kay Rojas, ginpahayag sini nga ang pagkaulamid nanday Calinog Mayor Alex Centena, Maasin Mayor Mariano Malones kag Carles Mayor Siegfredo Betita sa listahan ang natapos na.
Padayon man suno kay Rojas ang ila pag-istorya sa natungdan nga mga alkalde sa diin wala man sang kun ano nga pamahog nga nabaton ang mga ini.
Ang ginakahangaw-an lang nila suno kay Rojas amo nga may third party nga magkainteres, kag gamiton ang narco list agud pakalainon ukon mas malala, patyon ang mga alkalde.