ILOILO CITY – Ginsuguran sang Police Regional Office 6 (PRO-6) ang programa nga FORM ukon ang Focused Reformation/Reorientation and Moral Enhancement for Police Officers.
Suno kay PRO-6 spokesperson Supt. Joem Malong, ang una nga hugnat ang ginatapuan sang 46 ka mga police personnel nga ginabug-usan sang 42 nga Police Non-Commissioned Officers (PNCOs) sa diin kadamuan ang nagaranggo sang Police Officer 1 (PO1) kag apat ka mga opisyal sa diin ang pinakamataas nga ranggo amo ang superintendent.
Kadamuan sang mga ini suno kay Malong ang naghalin sa Negros Occidental kag Bacolod City Police Office kag may record sang pagkasalawayon ukon dungol.
Ipaidalom ang mga ini sa Small Unit Tactics Training kag Internal Security Operations bilang kabahin sang internal cleansing sang PNP sa ila hanay.
Ang paghanas ang ginahiwat sa Regional Mobile Force Battalion headquarters sa Barangay Jibolo, Janiuay, Iloilo.