ILOILO CITY – Nag-imbento lang sang paagi si Presidente Rodrigo Duterte agud mapahalin sa puwesto ang isa ka opisyal ilabi na si Vice President Leni Robredo, sa pagduso sini sang federalismo.
Ini ang panan-awan ni anay Bayan Muna Rep. Neri Colmenares nga isa sa mga nagapamatok sa pagbag-o sang Konstitusyon.
Santu sa provision sang draft federal constitution nga gindihon sang Consultative Committee, mahimo magpatawag sang eleksyon ang presidente.
Kun matabo ini suno kay Colmenares, mahimo magpadalagan si Duterte bilang transition president kag ang bise presidente si Bongbong Marcos.
Paagi sini suno sa anay mamalidha, mapahalin si Robredo sa puwesto.
Ginpaagi lang ni Presidente Duterte sa Charter Change suno kay Colmenares ang luyag sini nga madula si Robredo sa puwesto.
Dugang pa ni Colmenares, indi para sa pumuluyo ang ginaduso nga federalismo kundi para lang sa interes sang pulitiko.
Nagapati si Colmenares nga paagi lang sang mga pulitiko ang Cha-Cha agud indi madayon ang eleksyon sa 2019.