Maayo nga Phl-China ties nga ginapadayaw sang Malacañang 'di makit-an sa West Phl Sea – Alejano

ILOILO CITY – Indi makit-an sa reyalidad ang maayo nga relasyon sang Pilipinas sa China nga ginapabugal sang Malacañang.
Ginpahayag ni Magdalo partylist Rep. Gary Alejano nga kabaliskad sa ginahambal sang Duterte administration nga maayo ang relasyon sa Beijing, la-in ang nagakatabo sa West Philippine Sea.
Indi gihapon hilway nga makapangisda sa amo nga kadagatan ang Pinoy fishermen suno sa mamalidha.
Dapat suno kay Alejano nga mamonitor kag mahatagan sang proteksyon ang mga mangingisda nga Pinoy sa West Philippine Sea.
Kadungan sini ginpaandaman ni Alejano ang Malacañang nga maghalong sa pag-pangutang sa China.
Kun indi maghalong suno sa mamalidha, posible nga makibot na lang ang Pilipinas nga na-trap na ini sa utang sa Beijing.
Ini ang ginahimo sang China sa iban nga pigado nga mga pungsod suno kay Alejano sa idalom sang Belt and Road Initiative sang Asian giant.