ILOILO CITY – Ginpa-iway anay ang pagsaylo sang apat sa lima ka mga hepe sang pulis sa Iloilo Police Provincial Office (IPPO).
Sa interview sang Bombo Radyo kay SPO2 Gregoria Antonano, spokesperson sang IPPO, wala anay gindayon ang pag-relieve kanday Senior Insp. Ramil Jacaba sang Bingawan PNP, Chief Insp. Cyril Octavio sang Leon PNP, Senior Insp. Ma Theresa Lero sang Mina PNP kag Senior Insp. Ken Albert Lepsia sang san Rafael PNP.
Gin-relieve naman kag karon yara na sa Aklan Provincial Police Office si Insp. Oman Brendel Estabillo sang Igbaras PNP.
Suno kay Antonano, gin-review sang Regional Oversight Committee ang performance sang apat kag nakit-an nga madamo ang mga ini sang accomplishment gani ginpa-iway ang pag-relieve sa mga ini.