DWPH wala masorpresa sa pagpatawag sang meeting sang PMS sa delayed nga mga proyekto sa Iloilo City

ILOILO CITY – Wala na masorpresa si DPWH City District Engineering Office head Engr. Rodney Gustilo sa pagpatawag sang meeting sang Presidential Management Staff (PMS) upod ang Department of Public Works and Highways kag mga opisyal sang siyudad sa pagpanguna ni Mayor Jose Espinosa III.
Suno kay Gustilo, normal na ini nga ginasukot sila sa progress sang mga proyekto sang ahensiya.
Iya man napaathag sa amo nga meeting suno kay Gustilo ang rason sang pagka-atrasar sang mga proyekto sang DPWH sa siyudad sang Iloilo.
Indi man lang sa siyudad suno kay Gustilo may delay sa mga projects sang ahensiya kundi mangin sa iban nga bahin sang pungsod.
May ginalagas man sila nga target nga accomplishment suno kay Engr. Gustilo kag kada bulan sila nga nagapaathag sa talatapan sang tiglikom sang DPWH.
Apang may mga indi malikawan nga butang suno kay Gustilo nga rason sang pagka-atrasar sang proyekto magluwas pa sa inefficient nga mga contractor.