ILOILO CITY – Magapatigayon sang konsultasyon ang Moro Islamic Liberation Front (MILF) sa mga miyembro kag lideres sini, may kaangtanan sa Bangsamoro Organic Law (BOL) sa Camp Darapanan sa Sultan Kudarat sa Hulyo 29.
Sa interview sang Bombo Radyo, ginpahayag ni MILF vice chairman Ghazali Jaafar nga paagi sini, ila kumbinsihon ang ila mga miyembro nga aprubahan na ang BOL.
Ila ipaathag sa ila mga miyembro suno kay Jaafar ang kaundan sang hagna nga amo ang magatukod sang Bangsamoro region bulos sa Autonomous Region in Muslim Mindanao (ARMM).
Lakip sa ipa-intyindi sa mga miyembro ang pila ka amendment nga ginapatuman sa Bangsamoro Organic Law.