ILOILO CITY–Patay ang manugbaligya sang mani matapos ginluthang sa Brgy. Botongon, Estancia Iloilo.
Ang biktima amo si Edgar Deluna,38 anyos, pumuluyo sang Barangay Toog, Labisares, Northern Samar apang temporaryo nga nagapuyo sa Botongon, Estancia, Iloilo.
Sa interview sang Bombo Radyo kay PO2 Ian Jover sang Estancia Municipal Police Station, nagaguwa sa pag-usia nga halin sa Estancia Public Market ang biktima kag pauli na kuntani sakay sa iya tricycle sang gintiro sang suspetsado nga sakay sa motorsiklo nga nagasunod sa biktima sa bahin sang Bacos Compound.
Bangud sa patal nga igo sa ulo nga naangkon sang biktima, gindeklarar ini nga dead on arrival sa Jesus Colmenares District Hospital sa Estancia.
Blangko pa ang kapulisan sa motibo sa krimen samtang nakapalagyo naman ang wala pa makilal-an nga suspetsado.