ILOILO CITY–Hakot award ang Bombo Radyo Philippines sa ginpatigayon nga Sandugo Award sang Department of Health (DOH) National Voluntary Blood Services Program.
Ginkilala sang DOH ang Bombo Radyo Iloilo, Bombo Radyo Kalibo, Bombo Bacolod kag Bombo Radyo Roxas bangud sa pagpatigayon sang Dugong Bombo.
Mismo si Bombo John Felco Talento, Assisstant Station Manager ang nagbaton sang Plaque of Appreciation sa ginpatigayon nga awarding ceremony sa Punta Villa beach Resort sa distrito sang Arevalo.
Suno kay Dr. Abdulla Dumama Jr., Assistant Secretary sang DOH for Visayas and Mindanao, ang Dugong Bombo sang Bombo Radyo Philippines ang may yara sang tuman ka damu nga nabuligan.
Ini bangud nga ang Bombo Radyo Philippines ang isa sa mga partner sang DOH nga may pinakamadamu nga volume sang dugo nga natipon.
Ginpahayag naman ni Dr. Dennis Roy Pasadilla sang Philippine Red Cross nga isa ang Bombo Radyo sa awardee sang Philippine Red Cross bangud sa pagpatigayon sang Dugong Bombo.