ILOILO CITY–Buluntaryo nga nagsungka ang mga menor de edad nga naangot sa pagpatay sa Indian National sa Brgy. Lupa, Sta. Barbara, Iloilo.
Sa interview sang Bombo Radyo kay Punong Barangay Hitler Jaspe sang Brgy. Cabugao Sur, Sta. Barbara, Iloilo, buluntaryo nga nagsungka ang isa sa mga menor de edad nga si John .
Si Calvin naman suno kay Jaspe ang nagpalagyo sa Calinog, Iloilo sa diin ang iya nga Lola amo ang nagpasungka sa iya.
Wala naman sang ihibalo si Jaspe kun bala nagagamit sang illegal drugs ang duha ka mga menor de edad.
Gintu-ad naman sang Punong Barangay nga ginanginwala ni John ang kahilabtanan sa pagpatay sa biktima nga si Sidho Harvender Singh.
Sabaylo, gintudlo ni John nga sanday Calin kag Stephen amo ang nagpangamot sa pagpatay sa biktima.
Nagapangatubang naman sang kaso nga Robbery with Homicide ang mga suspetsado.
Sa interview sang Bombo Radyo kay Police Senior Inspector Rey Pabalan, ginakabig nga arrested ang mga suspetsado nga sanday Angel Simpas, Stephen, Calvin kag John.
Sa 4 ka mga nagsungka, tatlo diri ang menor de edad nga igaturn-over naman sa Department of Social Welfare and Development (DSWD).
Ginakabig nga complex crime ang ginhimu sang mga natungdan suno kay Pabalan.
Magkatuhay naman ang pahayag sang mga suspetsado bangud nga ginapanginwala man sang ginatudlo mastermind nga si Angel Simpas nga may yara sila sang relasyon sang bitkima nga si Sidho Harvender Singh.
Isa lang ang klaro suno sa hepe, maathag nga ginplanuhan ang pag-hold-up sa biktima.