ILOILO CITY–Nagabinaho na sang masapwan ang isa ka fetus nga nasulod sa isa ka karton kag ginbilin sa Tanza Cemetery.
Sa interview sang Bombo Radyo sa isa sa mga pumuluyo sa lugar nga nagpahinago lang sang pangalan, ang mga naga-obra sa patyo amo ang nakasapo sa fetus.
Ginapahayag nga kahapon pa ginbilin ang karton apang wala lang nila ginhatagan sang pagtamod suno sa concerned citizen.
Natukiban nga  babayi ang fetus kag ginabanta nga mga 7 tubtub 8 na ka bulan.
Gilayon naman nga ginlubong ang fetus bangud nga tuman na ini ka baho.
Usisa-on naman ang kuha sang CCTV agud makilala kun sin-o ang nagbilin sang fetus sa patyo.