ILOILO CITY–Ginpasalig sang Committe on Agriculture sa Senado nga hatagan sang solusyon ang problema sa slaughterhouse sa Syudad sang Iloilo.
Sa interview sang Bombo Radyo kay Sen. Cynthia Villar, chairman sang nasambit nga komitiba, ginkumpirma sini nga nagpadala sa iya sang sulat si Iloilo City Mayor Jose Espinosa III tuhoy sa problema sang slaughterhouse.
Dugang pa sang senadora, ilakip niya sa budget hearing sang Department of Agriculture (DA) ang nasambit nga panawagan sang alkalde agud makaayo ang slaughterhouse.
Nahibaluan nga guba ang mga equipment sa slaughterhouse sa syudad sang Iloilo.