Iloilo City Hall Employee nga durugista, nagpangayo sang pasaylo kay Mayor Jose Espinosa III matapos nadakpan sa buybust operation

ILOILO CITY–Nagapangayo sang pasaylo kay Iloilo City Mayor Jose Espiniosa III ang empleyado sang City Hall nga nadakpan sa ginpatigayon nga buybust operation sa Brgy. Fatima, Jaro, Iloilo City.
Sa exclusive interview sang Bombo Radyo kay WinstonPorras, deny nor confirm ini sa iya kaangtanan sa iligal nga droga.
Dugang pa ni Porras, nagapangayo siya sang paghangop sa iya mga kaupadanan sa Iloilo city hall ilabi na gid sa Iloilo City Planning Office kun diin siya na assign.
Ini matapos nga naumalid ang pangalan sang City government matapos nga nadakpan si Porras.
Nahibalu-an nga sa ginpatigayon nga buybust operation, nakuhaan si Porras sang apat ka sachet sang ginasuspetsahan shabu.
Suno sa Regional Drug Enforcement Unit (RDEU), kay Porras nagahalin ang supply sang iligal nga droga nga ginagamit sang mga guest relation officer (GRO) nga nagabaligya sang hingalit nga kalipay sa syudad.