Kaso sang Chikungunya sa Alimodian, Iloilo, naglab-ot sa anum

ILOILO CITY–Anum ang kumpirmado nga kaso sang Chikungunya ang nabalhag sa banwa sang Alimodian, Iloilo.
Sa interview sang Bombo Radyo  kay Mayor Jeffree “Calay” Alonsabe, iya ginpahayag nga ini ang resulta sang ila madasig nga pagpa-validate sa 96 ka  ginadudahan nga kaso sang Chikungunya  sa Barangay Atabay.
Sa sini nga numero suno kay Alonsabe, anom lang ang nag-positibo.
Nagpasalig ang alkalde nga indi nila ini pagpabay-an bangud posible nga ini pa ang magdala sang epidemiya.
Panugyan naman ni Alonsabe nga kun may mabatyagan nga sintomas sang balati-an kaangay sang mataas nga hilanat, pagpalanakit sang lawas, rashes nga pareho man sa dengue, sakit sang ulo kag pagpalanuka, gilayon nga magpakunsulta sa doktor.
Nahibaluan nga ang Chikungunya fever ang isa ka sahi sang balati-an ang mahimo makuha gikan sa kagat sang infected nga Aedes Aegypti kag Aedes Albopictus.