ILOILO CITY–Nagpagwa sang record ang Iloilo Provincial Health Office (PHO) may kaangtanan sa numero sang mga nabiktima sang Hepatitis A.
Sa interview sang Bombo Radyo kay Provincial Health Officer 2 Dr. Patricia Grace Trabado, iya ginpahayag nga sang August 10, 2018,  nagsaka ang numero sang mga may Hepa A nga nagdangat sa 77 gikan sa 55.
Ang 25 ka mga biktima ang gin-admit sa ospital kag yara na sa maayo nga kahimtangan samtang 46 naman sa mga biktima ang nagpositibo sa nasambit nga balati-an.
Ginabantayan sang PHO suno kay Trabado kun may yara pa gid sang bag-o nga mga kaso Hepa sa probinsya.
Panugyan ni Trabado, ang matinlo nga pagginawi ang isa sa mga pamaagi agud nga makalikaw sa pag-angkon sang Hepatitis A.