ILOILO CITY–Madamo sang kaso ang ang Fil-Pakistani nga si Hamza Pechon Kayani sang Brgy. Tanza Esperanza, Iloilo City.
Sa interview sang Bombo Radyo kay Punong Barangay Wilbert Orada, ginpahayag sini nga masami nga naga-away sanday Kayani kag ang iloy sini.
Sa madumduman sang opisyal, makaduha ka beses nga nagpangayo sang bulig ang iloy ni Kayani sa mga barangay officials bangud indi na sini masarangan ang batasan sang iya bata.
Magluwas dir, natukiban man nga gintago ni Kayani sa iya balay ang 16 anyos nga babaye kag bata sini kag ginapahog nga patyon sa tion nga magpalagyo.
Natabuan suno kay Orada nga yara sa hospital si Kayani rason nga naluwas ang mag-iloy gikan sa ancestral house nanday Kayani.
Bangud sini, magapangatubang naman si Kayani sang kaso nga rape kag abduction.
Samtang, gin-athag ni Kayani nga wala sini gin-abduct ang menor de edad nga kahagugma bangud nga ang babayi mismo ang nagpalapit sa iya kag nagpangayo sang bulig agud mabaklan sang gatas ang iya bata.
Makit-an man suno kay Kayani sa iya facebook account ang mga laragway nila sang dalagita.
Nagpanawagan man ang Fil-Pakistani ng si Kayani nga kuntani makunsenysa ang babayi sa iya ginhimo nga pagpanugid sa National Bureau of Investigation (NBI).