ILOILO CITY–Ginakalipay sang pamilya sang ginpatay ni Hamza Kayani  ang pagserbe sang search warrant nga nag resulta sang paagkadakop sang natungdan.
Sa interview sang Bombo Radyo kay Mariano Alabot ,tiyo sang biktima nga si Rogelio Amil, ginpahayag sini nga kaangay nga nakuha na nila ang hustisya para sa ila hinablos.
Gin-ako man ni Alabot nga nagpa-areglo ang iloy ni ni Ampil sa kantidad nga P300,000 bangud wala man sang ikasarang  agud nga ipadayon ang pagpasaka sang kaso  batok kay Kayani.
Sa pihak sang aregluhanay nga natabo, nagapangita sa gihapon sang hustisya ang pamilya sang biktima.
Ginkumpirma naman sang Lapaz PNP nga wala na sang ginapangatubang nga kaso ni Hamza Kayani.
Sunu kay SPO3 Sherwin Servano, chief investigator sang Lapaz PNP, nga ginbawi sang pamilya sang biktima nga si Rogelio Amil ang pagpasaka sang kaso nga murder batok kay Kayani.
Gin-tuad ni Servano nga ulihi na sila nakahibalo nga may yara sang natabo nga aregluhanay rason nga sang damlag lang gintuyo pa nila nga dakpon si  Kayani sang ila nasiplatan sa West Visayas State University Medical Center (WVSU-MC).
Ginpakita ni Kayani sa mga pulis ang ila nga kasugtanan sa korte kaupod ang pamilya sang biktima.
Tungud sini sunu kay Servano, dismissed na ang kaso kag wala na sang salabton si Kayani.
Ginrelease naman sang Lapaz PNP ang salakyan nga gingamit Kayani sang ginluthang-patay si Amil sa The Q Drive-in Motel sa Lapaz, Iloilo City sang 2015 .