ILOILO CITY–Politically motivated ang pagkabig ni Buenavista Mayor Eugene Reyes sa pagtuhaw sang 224 million pesos nga plunder complaint batok sa opisyal sang probinsya sang Guimaras.
Sa interview sang Bombo Radyo kay Mayor Reyes, iya ginpahayag nga wala siya sang nakita nga rason agud pasakaan sila sang nasambit nga kaso magluwas gid lamang sa pamulitika.
Sunu kay Reyes, nagapangita lang  ang ila kontra sang mga isyu nga mahaboy sa ila agud nga gub-on ang ila pangalan.
Gintuad man sang alkalde nga personal siya nga pagpadulong sa talatapan sang Commission on Elections (COMELEC) agud nga maathagan tuhoy sa comelec exemption kag kun ano ini ka malahalon.
Gin-athag man ni Reyes nga may yara sang pahanugot halin sa COMELEC ang paghatag sa ila sang kwarta bisan pa nga election period sang tinalikdan nga tuig 2016.
Nakahandan naman ang alkalde nga ipakita ang mga dukomento bilang pamatud-an nga wala sang anomaliya sa amo nga pondo nga ila nabaton halin sa provincial government.