ILOILO CITY–Wala sang mahimo ang bise alkalde sang syudad sang Iloilo sa pamat-ud sang konseho paghatag sang authority kay Mayor Jose Espinosa III agud maka-loan sang 500 million pesos para sa pagpatukod sang sports arena.
Sa interview sang Bombo Radyo kay Vice Mayor Jeffrey Ganzon, iya ginpahayag nga presiding officer lamang siya sa konseho kag iya ginatahod ang pamat-ud sang mayorya nga tugutan ang alklade sa pagloan.
Kun siya ang pamangkuton sunu kay Ganzon, mas hatagan kuntani niya sang prayoriodad ang mga basic needs kaangay sang edukasyon, ikaayong lawas kag employment.
Sa pihak sini, nahangpan man sang bise alkalde ang tinutuyo sang konseho  nga magpatukod sang nasambit nga arena bilang investment sang syudad.
Ginpasalig man ni Ganzon nga mangin maid-id ang konseho sa ti-on nga mabalik na sa ila ang Memorandum of Agreement (MOA) para sa nasambit nga loan.