ILOILO CITY–Nagpatigayun sang recruitment ang Philippine Marines sa syudad sang Iloilo agud masolbar ang kakulang sang personnel.
Sa interview sang Bombo Radyo kay Captain Jieve Ajijul, Officer-In-Charge sang Mobile Recruitment Team sang Philippine Marines, iya ginpahayag nga 400 ka mga candidate soldiers ang ila kinahanglan kag 70% ang magahalin sa Iloilo.
Ang screening sang mga aplikante ang ginapatigayon sa John B. Lacson Foundation Maritime University sa Molo, Iloilo City nga nagsugod sadtong August 21 tubtob Setyembre 04, 2018.
Ang examination ang patigayunon sa maabot nga Setyembre 05, 2018 sa amo man nga buluthu-an.
Sa mobile recruitment team suno kay Ajijul, sa baylo nga anom ka bulan ang processing, ginhimo nalang ini nga duha ka bulan.
Ang examination, medical kag oathtaking sang mga makapasar ang pagapatiogayunon man diri sa syudad sang Iloilo.
Sa Southern Mindanao naman ang kalabanan nga deployment sang Marines kaangay sang Jolo Sulu samtang may yara man sa Luzon, Tawi-Tawi kag Palawan.