ILOILO CITY–Nadakpan ang isa ka negosyante matapos makuhaan sang armas kag mga bala sa Arevalo, Iloilo City.
Ang arestado ang ginkilala nga si Ryan Belgira- 35 anyos, kasado kag tumandok sang Brgy. Nagpandong, Nueva Valencia, Guimaras apang temporaryo nga naga-istar sa Arevalo, Iloilo City.
Sa interview sang Bombo Radyo kay Police Senior Inspector Eduardo Siacon Jr., hepe sang Arevalo Police Station, iya ginpahayag nga pila na nila ka adlaw nga ginabantayan si Belgira.
Pahayag pa ni Siacon, sang Agosto 20, 2018 pa gindagdag ang search warrant.
Nakuha kay Belgira ang isa ka point 32 magnum revolver nga may apat ka mga bala, lima ka bala sang calibre 38 nga armas kag pito ka mga bala sang calibre 45 nga armas.