ILOILO CITY–Nagabalor lamang sanga 72 million pesos ang Sports Arena sang Passi City.
Ini ang tuman ka nubo ipanggid sa 500 million pesos nga iga-loan sang syudad sang Iloilo para sa pagatukuron nga sports arena.
Sa interview sang Bombo Radyo, ginpahayag ni Passi City Mayor Jesry Palmares nga ang ila nga Sports Arena ang bunga sang ila nga soft loan sa Department of Finance (DOF).
Sa 72 million pesos nga loan, ginpahayag ni Palmares nga gindungangan na lang nila sang 10 million pesos gikan sa local fund agud nga igasto sa pagdugang sang iban pa nga ammenities.
Lakip diri suno kay Palmares amo ang pagbutang sang cetralized aircon kag iban pa nga ammenities para sa upgrading.
Tinutuyo sa pagpatukod sang Sports Arena sa Passi City ang para sa pagahiwaton nga mga sports activities, govenrment activities kag mahimo man nga magamit nga evacuation center.
Bangud nga evacuation center ang gin-applyan sang Local Government Unit (LGU) sang Passi City, ginatinguhaan sang alkalde nga mapahamtangan sang madamu nga shower rooms, comfort rooms kag pagdugang sang mga pulungku-an agud nga madugangan ang sitting capacity sang sports arena.
Gin-athag man sang alkalde nga ang mga government activities nga ginahiwat sa sports arena ang libree sa mga pumuluyo.
Sa pagkamatuod suno kay Palmares, pagahiwaton sa Passi City Sports Arena ang game sang Philippine Baketball Association (PBA) sa bulan sang Setyembre.