ILOILO CITY–Wala pa matumod ang mga suspetsado sa pagluthang sa isa ka manunudlo sa Passi City.
Sa interview sang Bombo Radyo kay Police Supt. Arthuro Fullero, hepe sang Passi City Police Station ,iya ginpahayag nga may nakuha sila nga CCTV footage nga nagapakita sang tatlo ka mga lalaki nga posible nagluthang sa biktima nga si Nicanor Labo, tag -iya sang Madison Grade School sa Simeon Aguilar St., Poblacion, Passi City.
Suno kay Fullero, hulaton pa nila nga mag-ayo ang biktima kag ipakita ang CCTV footage agud mapat-ud kun kilala sang biktima ang nasambit nga mga lalaki.
Nahibaluan nga gin-operahan na ang biktima matapos mag-angkon sang pilas sa paa, hita, abaga kag tiyan tuga sang pagkaluthang.