ILOILO CITY–Nagapati ang Local Government Unit (LGU) sang probinsya sang Guimaras nga isa lang ka tawo ang nagapalapta sang gina alegar sala nga balita kag akusasyon batok sa ila.
Sa interview sang Bombo Radyo, ginpahayag ni Guimaras Vice Gov. Atty John Edward Gando, nga santo sa ila pagpanalawsaw, natukiban nga ang certain Rodrigo Gabales sang Brgy. Agsanayan, Buenavista, Guimaras nga nagpasaka sang plunder complaint kag malversation of public funds ang patay na sang tuig 2015.
Suno kay Gando, natukiban sini nga ang balay ni Gabales, ang yara lang nahamtang sa lugar ni anay Guimaras Vice Governor Vicente “Itik” de Asis.
Tungod sini, dako ang pagpati ni Gando nga ang anay bise gobernador amo ang sa likod sang pagpanguba sa mga opisyal sang probinsya kag ginagamit lang sini ang pangalan ni Gabales.
Apang suno kay Gando, nalipatan ni de Asis nga sang tuig 2016, siya pa ang nagaserbe nga bise gobernador sang Guimaras gani dapat nga kasuhan man sang bise gobernador ang iya kaugalingon.