ILOILO CITY–Nagalaum ang Integrated Bar of the Philippines (IBP) nga respetuhon ni Presidente Rodrigo Duterte ang seniority sa pagpili sang masunod nga Chief Justice.
Ini bangud masobra sa 30 ka adlaw na lang kag magaretiro na si Chief Justice Teresita De Castro.
Sa interview sang Bombo Radyo, ginpahayag ni Fajardo nga kuntani malikawan na ang kotrobersiya sa Korte Suprema pinaagi sa pagpili sang masunod nga Chief Justice.
Suno kay Fajardo, mahibaluan kun bala panindugan sang presidente ang iya pahayag nga respetuhon kag sundon sini ang seniority sa Korte Suprema sa tion nga mapilian si Senior Associate Justice Antonio Tirol Carpio.
Nahibaluan nga kritiko sang presidente si De Castro sa diin wala nagapabor  ang Chief Justice sa mga ginapatuman nga polisa ilabi na sa China.
Samtang, wala naman sang plano ang IBP nga mag-upod sa House Justice Committee deliberation sa impeachment complaints nga ginpasaka batok sa pito ka Supreme Court justices nga nagboto pabor sa quo warranto petition batok kay anay Chief Justice Maria Lourdes Sereno.